بھارت میں خالہ کے اپنا لیپ ٹاپ دینے سے انکار پر بچی نے 3 گھنٹے کی محنت سے اپنا لیپ ٹاپ بنالیا، جس میں ونڈو کا مسئلہ ہوگا نہ انٹرنیٹ کی ٹینشن ہوگی۔
نیہا نامی خاتون نے ایکس پر ایک پوسٹ شیئر کرتے ہوئے لکھا کہ میری بھانجی نے کھیلنے کیلئے مجھ سے میرا لیپ ٹاپ مانگا، میں نے انکار کردیا جس کے بعد بچی نے تین گھنٹے کی محنت سے خود اپنا لیپ ٹاپ تیار کرلیا ہے۔
خاتون نے اپنی پوسٹ کے ساتھ ہی رونے والی ایموجی بھی بنائی جبکہ بچی اور لیپ ٹاپ کی تصاویر بھی شیئر کیں۔ دیکھتے ہی دیکھتے یہ تصاویر سوشل میڈیا پر وائرل ہوگئیں اور کئی صارفین بچی کے اس اقدام اور محنت کی تعریف کرتے نظر آئے۔
ایک صارف نے لکھا کہ یہ بہت ہی اچھا لیپ ٹاپ ہے کم از کم اس میں ونڈوز تو اپ ڈیٹ نہیں کرنا پڑے گا۔
آج کے دور میں بڑوں کے ساتھ ساتھ بچوں میں بھی فون اور لیپ ٹاپ کا استعمال بہت زیادہ بڑھ چکا ہے، کئی چھوٹے بچے فون کے بغیر کھانا بھی نہیں کھاتے، جس کی وجہ سے والدین بہت ہریشان نظر آتے ہیں۔