امریکا کی 104 سالہ خاتون ڈوروتھی ہوفنر ایک ہفتہ پہلے اسکائی ڈائیونگ کا عالمی ریکارڈ بنانے کے بعد اپنے کمرے میں پراسرار طور پر مردہ پائی گئیں۔
3 اکتوبر کو انھوں نے ریکارڈ بنایا تھا اور 13 ہزار فٹ کی بلندی سے اسکائی ڈائیونگ کرنے والی شکاگو کی ایک سو چار سال کی ڈوروتھی ہوفنر ریکارڈ بنانے کے بعد بہت خوش تھیں۔
ڈوروتھی اسکائی ڈائیونگ کے دوران 25 منٹ تک فضا میں رہیں، جب زمین پر اتریں تو گنیز بک آف ورلڈ ریکارڈز کی جانب سے معمر ترین اسکائی ڈائیور ہونے کا اعزاز بھی حاصل کر لیا۔
ڈوروتھی کے قریبی دوست اور نرس جو کونینٹ کے مطابق وہ بروکڈیل لیک ویو میں واقع بزرگوں کے لیے بنائی گئی ایک کمیونٹی میں رہائش پذیر تھیں، پیر کی صبح کو جب عملہ ان کے کمرے میں گیا تو وہ مردہ پائی گئیں۔
میل نرس جو کونینٹ کا کہنا ہے کہ جب وہ ان سے ملا تھا تو ڈوروتھی نے ان سے کہا کہ انھیں دادی جان کہوں، وہ توانائی سے بھرپور خاتون تھیں اور ہر تقریب میں شریک ہوتی تھیں جبکہ ڈاکٹرز کا کہنا ہے کہ وہ اتوار کی رات کو نیند ہی میں گزرگئی تھیں۔