اسکاٹ لینڈ کے گاؤں کی سڑکوں پر رات کو پھرنے والے جوکر نے لوگوں دہشت زدہ کر دیا، جوکر کے روپ میں گھومنے والے شخص نے پولیس کو بھی چیلنج کر دیا ہے۔
اس جوکر نے اسٹیفن کنگ کے ہارر ناول میں پینی وائز نامی جوکر کے کردار کو حقیقی بنا دیا ہے، یہ جوکرگاؤں میں یہ شخص راتوں کو پھرتا ہے اور گلیوں میں موجود فرنیچر پر سرخ غبارے باندھ کر چھوڑ جاتا ہے۔
جوکر نے ایک فیس بک پیج بھی بنا رکھا ہے اور اس پر ایک ویڈیو پوسٹ کرکے اس نے پولیس کو خود کو ڈھونڈنے کا چیلنج دیا ہے،ویڈیو میں جوکر کی آواز کو ڈیجیٹل طریقے سے بدلا گیا ہے تاکہ وہ خوفزدہ کر دینے والی بن جائے۔
یہ جوکر 2021 سے گاؤں میں پھر ر ہا ہے اور ویڈیو میں اس کا کہنا تھا کہ پولیس کو میرے بارے میں آگاہ کیا گیا ہے، مگر آپ کو لگتا ہے کہ مجھے اس کی پروا ہوگی؟ انہیں پہلے مجھے پکڑنا ہوگا اور ہاں یہ میرا ان کو چیلنج ہے۔ اس شخص کی جوکر کے روپ میں متعدد تصاویر اور ویڈیوز سوشل میڈیا پر پوسٹ کی گئی ہیں۔