دنیا میں ہزاروں انواع کے پرندے پائے جاتے ہیں، اڑنے والی اس مخلوق کی مختلف انواع پانچ سینٹی میٹر سے لے کر نو فٹ کی قامت میں پائی جاتی ہیں، آج جس پرندے کے بارے میں ہم آپ کو بتانے اور دکھانے والے ہیں وہ پرندہ سعودی عرب میں زیادہ دیکھا جاتا ہے۔
یہ عجیب الخلقت پرندہ ’السبد‘ کہلاتا ہے، اس کا لقب ’ملھی الرعیان‘ ہے، یہ پرندہ خود کو بیمار یا زخمی ظاہر کرتا ہے، اسے دیکھ کر یہ تاثر ملتا ہے کہ یہ اڑ نہیں سکتا۔
السبد کے نام سے منسوب یہ پرندہ دنیا بھر میں پایا جاتا ہے، اس کے پر لمبے اورسنہرے رنگ کے ہوتے ہیں،اس نسل کے بیشتر پرندوں کے پنجے چھوٹے ہوتے ہیں۔
سعودی عرب کے جنگلی حیاتیات کے قومی مرکز کا کہنا ہے کہ یہ السبد نسل کے پرندوں میں سے ایک ہے جسے مقامی لوگ ’ملھی الرعیان‘ کے نام سے جانتے ہیں۔ اس قسم کے پرندے سعودی عرب میں نقل مکانی کرکے پہنچتے ہیں، اس کی بعض نسلیں مملکت کے جنوب مغرب کے پہاڑی علاقوں میں موجود ہیں۔
پرندے کی ویڈیو وائرل ہونے کے بعد کئی صارفین نے اس کے بارے میں رائے کا اظہار کیا،سوشل میڈیا پر ایک صارف کا کہنا تھا کہ سعودی عرب میں یہ پرندہ نہیں ہوتا۔ یہاں السبد نامی جو پرندہ پایا جاتا ہے۔ اس کا رنگ چمکیلا ہوتا ہے اور وہ رات کا نایاب پرندہ ہے۔