ایسا شاید کرکٹ کی تاریخ خاص طور پر ورلڈ کپ میں پہلی بار دیکھنے کو ملا جب سری لنکن بیٹر ایک بھی بال کھیلے بغیر ہی پویلین لوٹ گئے۔
اس وقت بنگلادیش اور سری لنکا کا میچ جاری ہے جہاں کچھ حیران کن مناظر دیکھنے کو ملے۔
بنگلادیش اور سری لنکا کے درمیان دہلی کے ارون جیٹلی اسٹیڈیم میں ہونے والے ورلڈکپ کے میچ میں پہلی بار سری لنکا کے اینجیلو میتھوز بغیر کوئی گیند کھیلے آؤٹ ہوگئے۔
تاریخ میں پہلی بار انٹرنیشنل کرکٹ میں کسی بیٹر کو ٹائم آؤٹ ہونے پر مخالف ٹیم کی اپیل پر آؤٹ دیا گیا۔
آئی سی سی قانون کے مطابق کسی بھی کھلاڑی کو کسی بیٹر کے آؤٹ یا ریٹائر ہونے کے بعد 2 منٹ میں گیند کا سامنا کرنا ہوتا ہے یعنی کسی بھی کھلاڑی کو وکٹ گرنے کے 2 منٹ کے اندر گیند کا سامنا کرنا ہوتا ہے لیکن میتھیوز اایسا کرنے میں ناکام رہے جس کی بنا پر امپائر نے انہیں واپس جانے کا کہتے ہوئے آؤٹ قرار دیا، اس طرح میتھیوز پہلے کھلاڑی ہیں جو ٹائم آؤٹ کی وجہ سے آؤٹ قرار پائے۔