گزشتہ شب آسٹریلیا کے جارہانہ بلے باز گلین میکسویل نے ون ڈے کرکٹ کی تاریخ میں افغانستان کے خلاف ہارا ہوا میچ جتوا کر سب کے ہوش اڑائے۔
سوشل میڈیا پر ہر جانب گلین میکسویل کے چرچے ہو رہے ہیں جنہوں نے ہدف کا تعاقب کرتے ہوئے مکمل فِٹ نہ ہونے کے باوجود نے 128 گیندوں پر 10 چھکوں اور 21 چوکوں کی مدد سے 201 رنز بنا کر آسٹریلیا کو میچ جتوا دیا یہی نہیں بلکہ ورلڈ کپ کے سیمی فائنل میں پہنچا دیا۔
آسٹریلوی کرکٹر گلین میکسویل کا افغانستان کے خلاف شاندار بیٹنگ کرنے کے بعد بیان سامنے آ گیا۔
سوشل میڈیا پر گلین میکسویل نے لکھا ہے کہ میں سب کی محبتوں کی وجہ سے بہت پُرجوش ہوں، ہر کسی کا شکریہ ادا کرتا ہوں جنہوں نے مجھے پیغامات بھیجے۔
انہوں نے لکھا ہے کہ پیٹ کمنز نے شاندار ساتھ دیا، معذرت میں ڈبل لینے سے انکار کرتا رہا۔