انڈیا کے سابق ٹیسٹ کرکٹر محمد کیف نے ورلڈ کپ کے فائنل میں آسٹریلیا کی جیت پر تبصرہ کرتے ہوئے کہا ہے وہ نہیں مانتے کہ دنیا کی بہترین ٹیم نے میگا ایونٹ جیتا ہے۔سٹار سپورٹس پر بات کرتے ہوئے محمد کیف کا کہنا تھا کہ ’میں کبھی نہیں مان سکتا کہ ایک بہترین ٹیم نے ورلڈ کپ جیتا ہے۔ انڈیا کی ٹیم پیپر پر ایک بہترین ٹیم ہے۔‘محمد کیف کے بیان پر ورلڈ کپ جیتنے والی آسٹریلین ٹیم کے رُکن ڈیوڈ وارنر کا ردِ عمل بھی سامنے آیا ہے جن کا کہنا ہے کہ ’مجھے محمد کیف پسند ہیں لیکن مسئلہ یہ ہے کہ اس سے فرق نہیں پڑتا کہ پیپر پر کیا ہے۔‘انہوں نے سابق انڈین کرکٹر کو جواب دیتے ہوئے کہا کہ ’بات صرف یہ ہے کہ آپ کو اس دن پرفارم کرنا پڑتا ہے جس دن اس کی ضرورت ہے اور اسی لیے اسے ہم فائنل کہتے ہیں۔‘ڈیوڈ وارنر نے محمد کیف کو پیغام دیا کہ ’یہی کھیل ہے۔ 2027 ہم آ رہے ہیں۔‘سابق انڈین کرکٹر کے اس بیان پر دیگر لوگوں کی جانب سے بھی تبصروں کا سلسلہ جاری ہے۔گلین مِچل نے لکھا کہ ’میرے خیال میں کسی کو سابق انڈین بیٹسمین محمد کیف کویہ سمجھانے کی ضرورت ہے کہ ورلڈ کپ کے فائنل گراؤنڈ میں جیتے جاتے ہیں، پیپر پر نہیں۔‘I like MK, issue is it does not matter what’s on paper. At the end of the day you need to perform when it matters. That’s why they call it a final. That’s the day that counts and it can go either way, that’s sports. 2027 here we come https://t.co/DBDOCagG2r
— David Warner (@davidwarner31) November 22, 2023
خیال رہے اتوار کو آسٹریلیا نے احمدآباد کے نریندر مودی سٹیڈیم میں کھیلے جانے والے فائنل میں آسٹریلیا نے انڈیا کو سات وکٹوں سے شکست دے کر ورلڈ کپ کی ٹرافی چھٹی مرتبہ اپنے نام کی تھی۔میگا ایونٹ میں انڈیا ناقابلِ شکست رہا تھا لیکن انہیں فائنل میں آسٹریلیا کے ہاتھوں شکست ہوئی تھی جبکہ پورے ٹورنامنٹ میں آسٹریلیا کی ٹیم صرف دو میچوں میں ہاری تھی۔