پاکستان کرکٹ ٹیم کے چیف سلیکٹر وہاب ریاض نے دورۂ نیوزی لینڈ کے لیے 17 رُکنی ٹی 20 سکواڈ کا اعلان کر دیا ہے۔منگل کو پی سی بی ہیڈ کوارٹر میں پریس کانفرنس کرتے ہوئے وہاب ریاض نے بتایا کہ ’17 رکنی ٹی20 سکواڈ میں کپتان شاہین آفریدی، عامر جمال، عباس آفریدی، ابرار احمد، اعظم خان، بابراعظم، فخر زمان، حارث رؤف شامل ہیں۔انہوں نے بتایا کہ حسیب اللہ، افتخار احمد، محمد نواز، محمد رضوان، وسیم جونیئر، صاحبزادہ فرحان، صائم ایوب، اسامہ میر اور زمان خان بھی سکواڈ کا حصہ ہوں گے۔وہاب ریاض نے کہا کہ ’شاداب خان ہمارے بہت اچھے کھلاڑی ہیں لیکن بدقسمتی سے انجری کی وجہ سے وہ سکواڈ میں شامل نہیں ہیں۔ محمد حارث کو ریسٹ دیا گیا ہے تاہم شاداب دو ہفتے بعد بولنگ کے لیے دستیاب ہوں گے۔‘Pakistan's squad for New Zealand T20Is #NZvPAK pic.twitter.com/1PcWujVWeO
— Pakistan Cricket (@TheRealPCB) December 19, 2023
چیف سلیکٹر وہاب ریاض نے بتایا کہ ُمحمد حسنین اور نسیم شاہ نے ریکور کیا ہے، ہم پی ایس ایل تک ان پر زیادہ لوڈ نہیں ڈال رہے وہ پی ایس ایل میں دستیاب ہوں گے۔‘وہاب ریاض کا مزید کہنا تھا کہ شان مسعود کو سکواڈ کا حصہ نہیں بنایا گیا، ممکن ہے وہ آگے کی سیریز میں نظر آئیں۔