اسلام آباد۔22دسمبر (اے پی پی):فیڈرل بورڈ آف انٹرمیڈیٹ اینڈ سیکنڈری ایجوکیشن اسلام آباد نے جماعت گیارہویں اور بارہویں کے دوسرے سالانہ امتحانات برائے سال 2023 کے نتائج کا اعلان کر دیا،گیارہویں جماعت کا مجموعی کامیابئ کا تناسب 79.99 فیصد اور بارہویں جماعت کا 75.10فیصد رہا
تفصیلات کے مطابق فیڈرل بورڈ آف انٹرمیڈیٹ اینڈ سیکنڈری ایجوکیشن اسلام آباد نے سال2023 کے دوسرے سالانہ امتحان میں حصہ لینے والے گیارہویں کلاس ریگولر انرولمنٹ 56643، کامیاب 45008, کامیابی کا تناسب%80.64 فیصد رہا ۔سابق پرائیویٹ انرولمنٹ 1030 جبکہ 358سٹوڈنٹس کامیاب ہوئے کامیابی کا تناسب %37.02 فیصد رہا۔بورڈ کی مجموعی سالانہ انرولمنٹ کلاس گیارہویں 57673 تھی جس میں 45366 بچے کامیاب ہوئے۔مجموعی کامیابی کا تناسب79.99 فیصد رہا۔ اسی طرح بارہویں جماعت سال2023 کے دوسرے سالانہ امتحان میں حصہ لینے والے بارہویں کلاس ریگولر انرولمنٹ 721، کامیاب 570،کامیابی کا تناسب80.51 فیصد رہا ۔سابق پرائیویٹ انرولمنٹ 20096 جبکہ 13738سٹوڈنٹس کامیاب ہوئے کامیابی کا تناسب73.59 فیصد رہا۔بورڈ کی مجموعی سالانہ انرولمنٹ کلاس بارہویں 20817 تھی جس میں 14308 بچے کامیاب ہوئے،مجموعی کامیابی کا تناسب75.10 رہا۔اس موقع پر چیئرمین فیڈرل بورڈ قیصر عالم نے دوسرے سالانہ امتحان کے نتائج کا اعلان کیا۔ اور کامیابی حاصل کرنے والے تمام طلباء وطالبات کو مبارکباد پیش کی۔بورڈ کی جانب سے رزلٹ ویب سائٹ پر اپلوڈ کر دیا گیاہے جبکہ سٹوڈنٹس 5050 پر اپنا رولنمبر ایس ایم ایس کر کے بھی اپنا رزلٹ معلوم کر سکتے ہیں ۔