اسلام آباد۔24دسمبر (اے پی پی):پاک بحریہ اور عمان کی رائل نیوی کی خلیج عمان میں منعقدہ باہمی مشق ثمر الطیب 2023 (ٹی اے ٹی۔23 ) اختتام پذیر ہو گئی، یہ مشق پاکستان نیوی اور رائل نیوی آف عمان کے درمیان 2002 سے جاری ثمر الطیب مشقوں کے سلسلے کا یہ گیارہواں ایڈیشن ہے۔ اتوار کو یہاں موصولہ پریس ریلیز کے مطابق مشق میں پاک بحریہ کے بحری جہاز اصلت، ہیلی کاپٹر، فاسٹ اٹیک کرافٹ پی این ایس کوووات اور پاک بحریہ کے میری ٹائم پٹرول ایئرکرافٹ کے علاوہ اسپیشل آپریشنز فورسز نے حصہ لیا جو پاک بحریہ کے بیڑے میں شامل تھے۔
و طرفہ مشقیں دو مرحلوں میں منعقد کی گئیں۔ ہاربر مرحلے میں آپریشنل اور ٹیکٹیکل لیول ٹیبل ٹاپ ڈسکشنز اور مشق کی منصوبہ بندی کانفرنسیں شامل تھیں۔ مشق کے سمندری مرحلے کے دوران ، دونوں بحری افواج نے جدید آپریشنل مشقوں کی رینج کا انعقاد کیا جس میں اینٹی ایئر ، اینٹی سرفیس وارفیئر اور انسداد دہشت گردی کی مشقوں سے متعلق میری ٹائم آپریشنز کے اہم پہلوں کا احاطہ کیا گیا۔ اس مشق میں دونوں بحری افواج کے بحری جہازوں کی جانب سے مربوط گشت (کارپٹ) بھی شامل تھا جس کا مقصد سمندر میں غیر قانونی سرگرمیوں کو روکنا تھا۔سابق ٹی اے ٹی ۔ 23 نے باہمی تجربات سے سیکھنے کے عمل کے فروغ ، باہمی تعاون کو بہتر بنانے اور دونوں بحری افواج کو اپنی پیشہ ورانہ صلاحیتوں کو مزید نکھارنے کا موقع فراہم کیا۔ پاکستان اور عمان مشترکہ بحری علاقے کا اشتراک کرتے ہیں اور دونوں بحری افواج سمندر میں بہتر نظم و ضبط برقرار رکھنے کے لئے ایک دوسرے کے ساتھ قریبی تعاون کرتی ہیں۔ دوطرفہ مشق ثمر الطیب 2023 کا باقاعدہ انعقاد پاکستان اور عمان کے درمیان بالعموم اور پاک بحریہ اور عمان کی رائل نیوی کے درمیان بالخصوص مضبوط برادرانہ اورقریبی تعلقات کا واضح مظہر ہے۔