اسلام آباد۔25دسمبر (اے پی پی):ترجمان وزارت داخلہ نے کہا ہے کہ وزیراعظم کی تشکیل کردہ کمیٹی کے مذاکرات اور عدالت کے فیصلے کی روشنی میں احتجاج کرنے والے تمام افراد کو رہا کر دیا ہے ،
پولیس تحویل اور جیل سے مجموعی طور پر 290 مظاہرین کو رہا کیا گیا ہے ۔ ترجمان وزارت داخلہ کے مطابق پرامن احتجاج ہر کسی کا حق ہے لیکن کسی کو قانون ہاتھ میں لینے کی اجازت نہیں،ریڈ زون کی سکیورٹی کو ہر صورت یقینی بنایا جاتا ہے، ریڈ زون میں آئینی ادارے اور ڈپلومیٹک انکلیو ہے ۔انہوں نے کہا کہ اسلام آباد پولیس کی جانب سے خصوصی مدد سنٹر قائم کیا گیا تھا جس نے اپنا کام مکمل کر لیا ہے ، اگر کسی کو کوئی مشکل درپیش ہے وہ ان نمبروں 0519001534 ، 03459600622 یا ای میل ایڈریس
[email protected] پر رابطہ کر سکتے ہیں۔