لاہور۔25دسمبر (اے پی پی):محکمہ موسمیات کی پیش گوئی کے مطابق آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر شہروں میں موسم شدید سردوخشک جبکہ میدانی علاقوں میں صبح اور رات کے اوقات میں سموگ اور شدید دھند پڑنے کا امکان ہے ۔
ترجمان کے مطابق گزشتہ چوبیس گھنٹوں کے دوران پنجاب کے اکثر علاقوں میں موسم شدید سرداور خشک رہا جبکہ آئندہ چوبیس گھنٹوں کے دوران صبح اور رات کے اوقات میں لاہور، سیالکوٹ، گوجرانوالہ، نارووال،سرگودھا، اوکاڑہ، فیصل آباد، ٹوبہ ٹیک سنگھ،جھنگ،خانیوال ،ملتان ، بہا ولپور ، ڈیرہ غا زی خان اور گر دو نواح میں دھنداورسموگ چھائے رہنے کاا مکان ہے ۔ترجمان کے مطابق لاہور میں کم سے کم درجہ حرارت 08جبکہ زیادہ سے زیادہ 21سینٹی گریڈ ریکارڈ کیا گیا ، ہوا میں نمی کا تناسب 70فیصد رہا،لا ہور میں آلودگی کی مجموعی شرح 215رہی،اسی طرح شہر کے دیگر علاقوں زکی فارمزمیں ایئر کوالٹی انڈیکس 562،ڈی ایچ اے 8فیز 481،پولو گراونڈ 258،فدا حسین روڈ665اورفیز8ایوی گرین میں 497ریکارڈ کیا گیا۔ محکمہ موسمیات کے مطابق آئندہ 24گھنٹوں کے دوران بارش کا کوئی امکان نہیں۔