اسلام آباد۔25دسمبر (اے پی پی):اسپیکر قومی اسمبلی راجہ پرویز اشرف نے سینئر صحافی نیوز ایڈیٹر روزنامہ جموں کشمیر مختار خان کے انتقال پر گہرے دکھ اور افسوس کا اظہار کیا ہے۔اسپیکر میڈیا آفس سے جاری بیان میں اسپیکر نے مختار خان کے اہلخانہ کے نام جاری تعزیتی پیغام میں مرحوم کی اچانک وفات پر ان کے اہلخانہ کے ساتھ دلی تعزیت اور ہمدردی کا اظہار کیا ہے۔انہوں نے کہا کہ مرحوم کی وفات اہلخانہ کے لیے ناقابل تلافی نقصان ہے جسے مدتوں پورا نہیں کیا جا سکتا۔
انہوں نے مرحوم کی صحافت کے شعبے کے لیے پیش کی جانے والی خدمات پر خراج تحسین پیش کرتے ہوئے کہا کہ شعبہ صحافت کے لیے مرحوم مختار خان کی پیش کی جانے والی خدمات کو ہمیشہ یاد رکھا جائے گا۔انہوں نے کہا کہ دکھ کی اس گھڑی میں وہ سوگوار خاندان کے غم میں برابر کے شریک ہیں۔اسپیکر نے اللہ تعالیٰ سے مرحوم کے درجات کی بلندی اور سوگوار خاندان کو اس ناقابل تلافی نقصان کو برداشت کرنے کے لیے صبر جمیل عطاء فرمانے کی دعا کی۔