اسلام آباد۔1جنوری (اے پی پی):نگران وزیراعظم انوار الحق کاکڑ لاہور کے دو روزہ دورے پر روانہ ہو گئے ۔ پیر کو وزیراعظم آفس کے میڈیا ونگ سے جاری بیان کے مطابق دورہ لاہور کے دوران نگران وزیرِ اعظم بزنس فیسیلی ٹیشن سنٹر کا دورہ اور کاروباری برادری کے وفد سے ملاقات کریں گے۔
وزیراعظم بیکن ہاؤس نیشنل یونیورسٹی کے طلبا و طالبات سے گفتگو کریں گے اور پنجاب ایمرجنسی سروس (ریسکیو 1122) کو عالمی سرچ اینڈ ریسکیو ایڈوائزری گروپ کی رکنیت ملنے کی تقریب میں بطور مہمان خصوصی شرکت کریں گے۔