قومی ٹیم کے فاسٹ بولر حسن علی سڈنی کرکٹ گراؤنڈ میں کرکٹ شائقین کی تنقید پر غصے میں آکر جواب دیے بغیر نہ رہ سکے۔
سڈنی میں ہونے والے آخری ٹیسٹ کے اختتام کے بعد مائیکرو بلاگنگ ویب سائٹ ایکس (سابق ٹوئٹر) پر ایک ویڈیو وائرل ہوئی جس میں حسن علی کو میچ کے بعد شائقین کو آٹوگراف دیتے دیکھا جاسکتا ہے۔
Hassan Ali after the match got angry with a “Fan” who said, “آ تجھے کیچ پکڑنا سکھاؤں”.
Whoever said this should learn to behave appropriately when you meet someone.
For Hassan Ali, Please learn to ignore such people and focus on performance.#PAKvsAUS #AUSvsPAK #AUSvPAK pic.twitter.com/3qmI48iLTT
— Ahtasham Riaz (@AhtashamRiaz_) January 6, 2024
آٹوگراف دینے کے دوران شائقین کے ہجوم میں سے ایک شخص نے کیچ نہ پکڑنے پر حسن علی کو طنز کا نشانہ بنایا اور کہا ’آؤ میں تمہیں کیچ پکڑنا سکھاؤں۔‘
حسن علی اس طنز پر خاموش نہ رہ سکے اور غصے میں شائقین کی طرف بڑھتے ہوئے جواب دیا ’آجاؤ ادھر، کس نے کیچ پکڑنا سکھانا ہے؟ آؤ ادھر۔‘
آسٹریلیا نے تین ٹیسٹ میچز کی سیریز کے تیسرے میچ میں پاکستان کو آٹھ وکٹوں سے شکست دے کر وائٹ واش کر دیا تھا۔