سپریم کورٹ آف پاکستان کے ایڈووکیٹ اور پی سی بی کے الیکشن کمشنر شاہ خاور نے چیئرمین پاکستان کرکٹ بورڈ کے اختیارات سنبھال لیے ہیں۔وزارت بین الصوبائی رابطہ (آئی پی سی) کے نوٹیفکیشن اور پاکستان کرکٹ بورڈ (پی سی بی) کے آئین کے آرٹیکل 7 کی شک 2 کے مطابق پی سی بی کے الیکشن کمشنر شاہ خاور نے پی سی بی چیئرمین کا عارضی چارج سنبھالا ہے۔پی سی بی کے آرٹیکل 7 کی شک 2 کہتی ہے کہ چیئرمین کا عہدہ خالی ہوتے ہی تمام اختیارات چیف الیکشن کمشنر کو منتقل ہوجاتے ہیں اور آئینی طور پر چار ہفتوں کے اندر وہ بورڈ کے الیکشن کا عمل مکمل کرنے کے پابند ہوں گے۔Mr Shah Khawar, Advocate of the Supreme Court of Pakistan and the Election Commissioner of PCB, has assumed charge as Chairman PCB.
Read more https://t.co/9g3l0pRMrK pic.twitter.com/wYSy2sx66x
— Pakistan Cricket (@TheRealPCB) January 24, 2024
پی سی بی کے مطابق شاہ خاور بورڈ آف گورنرز کی تشکیل کریں گے اور چار ہفتوں کے اندر چیئرمین پی سی بی کے انتخابات کرائیں گے۔ اگلے چیئرمین کے انتخابت تک شاہ خاور بورڈ کے روز مرہ کے معاملات دیکھیں گے۔شاہ خاور کا اپنے بیان میں کہنا ہے ’میں پی سی بی کے سرپرست جناب انوار الحق کاکڑ کا شکریہ ادا کرنا چاہوں گا کہ انہوں نے مجھ پر اعتماد کیا۔ میری اولین ذمہ داری ہوگی کہ جلد از جلد چیئرمین پی سی بی کا انتخاب آزادانہ اور شفاف طریقے سے کرایا جائے۔‘