مسجد نبوی کے حوالے سے دلچسپ معلومات دیکھنے اور سننے کو ملتی ہیں جو مسلمانوں کی معلومات میں اضافہ کرتی ہیں۔ مسجد نبوی ﷺ سے متعلق ایک اور دلچسپ معلومات آپ کو بتانے جا رہے ہیں جس کے بارے میں اکثر لوگ نہیں جانتے۔
کیا آپ جانتے ہیں کہ مسجد نبوی کے مختلف حصوں میں استعمال ہونے والے 25 ہزار سے زائد قالینوں کو دن میں کتنی بار صاف کیا جاتا ہے؟
سعودی خبر رساں ایجنسی کے مطابق حرمین الشریفین اتھارٹی کی جانب سے مسجد نبوی میں موجود نماز کے لیے مخصوص قالینوں کی یومیہ بنیاد پر 3 بار صاف کیا جاتا ہے اور 200 لیٹر خوشبو سے ان کو معطر کیا جاتا ہے۔
مقامی طور پر تیار کیے جانے والے یہ قالین اپنے دلکش ڈیزائن، اعلی معیار اور نمازیوں کی کے آرام کے مطابق نرم اور مضبوط بناوٹ کے حوالے سے منفرد ہوتے ہیں۔
خبر رساں ایجنسی کے مطابق ہر قالین پر ’آر ایف آئی ٹی‘ سسٹم کی الیکٹرونک چپ ہوتی ہے جسے بارکوڈ کے ذریعے اسکین کرکے قالین کے بارے میں مکمل معلومات حاصل کی جاسکتی ہیں۔