اسٹار فٹبالر رونالڈو پر جرمانہ اور میچ نہ کھیلنے کی پابندی

image

ریاض : سعودی فٹبال فیڈریشن کے تحت کام کرنے والی ضابطہ اخلاق کمیٹی نے نامناسب اشاروں پر اسٹار فٹبالر کرسٹیانو رونالڈو پر 10 ہزار ریال جرمانہ اور ایک میچ نہ کھیلنے کی پابندی عائد کر دی۔

غیر ملکی خبر رساں ایجنسی کے مطابق الشباب کلب کی شکایت پر کمیٹی نے تفتیش کی تو معلوم ہوا کہ رونالڈو نے ضابطہ اخلاق کی خلاف ورزی کی ہے۔

النصر اور الشباب کے میچ کے دوران غیر اخلاقی حرکت رونالڈو سے منسوب کی گئی جسے ٹی وی چینلز کے کیمروں نے نہیں دیکھا تاہم الشباب کے سپورٹروں میں سے کسی نے اپنے موبائل سے اس کی ویڈیو بنائی تھی۔

موبائل سے لی گئی ویڈیوکی بنیاد پر الشباب کلب نے رونالڈو کے خلاف شکایت درج کروائی تھی۔

ضابطہ اخلاق کمیٹی نے رونالڈو سے وضاحت کی جس پر اسٹار فٹبالر نے مؤقف اختیار کیا کہ یہ حرکت غیر اخلاقی نہیں بلکہ خوشی اور فتح کی علامت ہے اور ہم یورپ میں اسے کرنے کے عادی ہیں۔

سعودی ضابطہ اخلاق کمیٹی نے اعلامیہ جاری کرتے ہوئے کہا کہ رونالڈو سے منسوب غیر اخلاقی حرکت واقعی سرزد ہوئی ہے۔

کمیٹی نے رونالڈو کو ایک میچ نہ کھیلنے کی پابندی اور 10 ہزار ریال جرمانہ عائد کر دیا جبکہ کمیٹی نے النصر کلب پر 20 ہزار ریال جرمانہ عائد کیا جو الشباب کلب کو ہرجانے کے طور پر دیا جائے گا۔


News Source   News Source Text

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.