پاکستان کرکٹ ٹیم کے سابق کپتان اور ٹیم ڈائریکٹر محمد حفیظ نے کہا ہے کہ محسن نقوی نگراں دور حکومت میں آئے ، وہ منتخب ہیں تو ان کو پورا وقت دینا چاہئے۔
کراچی میں میڈیا سے گفتگو کرتے ہوئے سابق کپتان قومی کرکٹ ٹیم محمد حفیظ نے کہا کہ چیئر مین پی سی بی کا انتخاب سیاسی بنیادوں پر نہیں ہونا چاہئے محسن نقوی نگراں دور حکومت میں آئے ، وہ منتخب ہیں تو ان کو پور ا وقت دینا چاہئے۔
محمد حفیظ نے انکشاف کیا ہے کہ انہیں حالیہ دورہ آسٹریلیا کی ناکامی کی وجوہات سامنے لانے سے روک دیا گیا لیکن موقع ملا تو ضرور وجوہات سامنے لاؤں گا۔
سابق کپتان کا کہنا تھا کہ دورہ آسٹریلیا اور نیوزی لینڈ کی ناکامی کی پہلی ذمہ داری میں خود لیتا ہوں، ہم آسٹریلیا میں آج تک نہیں جیتے مگر مگر ایک دن ایسا ضرور آئے گا جب ہم آسٹریلیا کی سرزمین پر اس سے جیتیں گے۔
انہوں نے کہا کہ کھیلوں میں سفارشی کلچر نہیں ہونا چاہئے ، نو جوانوں سے کہتا ہوں سفارش کے بغیر بھی آپ اوپر آسکتے ہیں۔