ملتان۔ 26 مئی (اے پی پی):ریسکیو 1122 کی جانب سے گزشتہ 24 گھنٹوں میں ضلع ملتان میں 293ایمرجنسیز میں مجموعی طور پر 276افرادکوریسکیوکیاگیا۔ترجمان ریسکیو 1122 کے مطابق گزشتہ چوبیس گھنٹوں کے دوران ملتان شہر میں278، شجاع آباد میں چھ اورجلال پور پیر والا میں نوایمرجینسیز پیش آئیں،جن میں ٹریفک حادثات کی تعداد59ہے،ملتان شہر میں53،شجاع آباد میں پانچ اورجلال پور پیر والا میں ایک ٹریفک حادثہ پیش آیا۔
ریسکیو 1122 کی ٹیموں نےضلع بھر میں 190میڈیکل ایمرجنسیز میں مریضوں کو مختلف ہسپتالوں میں شفٹ کیا،ملتان شہر میں 184،شجاع آبادمیں ایک اورجلال پور پیر والا میں پانچ میڈیکل ایمرجینسیز اٹینڈ کی گئیں۔بارہ کرائم اور20متفرق ایمرجینسیز پر ریسکیو کیا گیا۔مجموعی طور پر 276افراد کو ریسکیو کیا گیا،ملتان شہر میں260،شجاع آباد میں سات اورجلال پور پیر والا میں نو افرادکوریسکیوکیا گیا۔