ملک بھر میں دن اور رات کے درجہ حرارت میں کوئی تبدیلی نہ ہونے کا امکان ، آئندہ ہفتہ سال کا گرم ترین ہفتہ ہوگا، چیف میٹرولوجسٹ

image

اسلام آباد۔27مئی (اے پی پی):چیف میٹرولوجسٹ سردار سرفراز نے پیشنگوئی کی ہے کہ درجہ حرارت میں ہر گزرتے دن کے ساتھ مسلسل اضافہ ہو رہا ہے اور محکمہ موسمیات نے ملک بھر میں عید کے دنوں میں موسم خشک اور گرم رہنے کی پیشنگوئی کی ہے جہاں شہریوں کوہیٹ سٹروک کی روک تھام کے لئے گھروں میں رہنے کی تاکید کی گئی ہے۔ پیر کو انٹرویو میں انہوں نے کہا کہ ملک بھر میں دن اور رات کے درجہ حرارت میں کوئی تبدیلی نہ ہونے کا امکان ہے، آئندہ ہفتہ سال کا گرم ترین ہفتہ ہوگا۔

شدید گرمی کی لہرملک کے کچھ حصوں کو اپنی لپیٹ میں لے رہی ہے، کچھ علاقوں میں درجہ حرارت 50 ڈگری سینٹی گریڈ تک پہنچ گیا ہے۔ انہوں نے کہا کہ پارہ مسلسل بڑھ رہا ہے جس سے شہریوں کے لئے پریشانی اور صحت کے خدشات بڑھ رہے ہیں۔انہوں نے کہا کہ محکمہ موسمیات نے پہلے ہی وارننگ جاری کر دی ہے کہ ملک کے بیشتر میدانی علاقے شدید ہیٹ ویو کے زیر اثر رہیں گے۔ پیر کو کچھ علاقوں میں گرد آلود ہواؤں اور گرج چمک کے ساتھ بارش کا امکان ہے

تاہم گلگت بلتستان میں مطلع جزوی طور پر ابر آلود رہنے کی توقع ہے اور تیز ہواؤں کے ساتھ بارش اور تیز ہوائیں چل سکتی ہیں۔شہریوں کو مشورہ دیا جاتا ہے کہ وہ ٹھنڈا اور ہائیڈریٹ رہنے خاص طور پر دن کے اوقات میں احتیاطی تدابیر اختیار کریں۔انہوں نے کہا کہ آنے والے دنوں میں ہیٹ ویو جاری رہنے کی توقع ہے، جس سے خود کو شدید گرمی سے بچانے کے لئے ضروری اقدامات کرنا ضروری ہیں۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.