اسلام آباد۔27مئی (اے پی پی):سنٹرل ڈائریکٹوریٹ آف نیشنل سیونگز (سی ڈی این ایس) نے نئے بانڈز کے اجرا سے 1.515 ٹریلین روپے کی بچتیں حاصل کیں۔ سی ڈی این ایس کے ایک اہلکار نے ”اے پی پی” کو بتایا کہ 26 مئی تک ڈائریکٹوریٹ نے نئے بانڈز کے اجراء کے ذریعے 1.515 ٹریلین روپے کی بچتیں حاصل کی ہیں جو جاری مالی سال کے مجموعی ہدف کا 85 فیصد ہے۔ جاری مالی سال کیلئے ادارہ نے 1.742 ٹریلین کی بچتوں کا ہدف مقرر کیا ہے۔
انہوں نے بتایا کہ ادارہ میں اصلاحات کا عمل جاری ہے اور صارفین کو اختراعی مصنوعات کی پیش کی جا رہی ہیں، ادارہ کے صارفین کو اے ٹی ایم کی سہولت پہلے سے فراہم کر دی گئی ہے۔ انہوں نے کہا کہ جاری مالی سال کیلئے اسلامی فنانس کے تحت 75 ارب روپے کی بچتیں حاصل کرنے کا ہدف مقرر کیا گیا ہے۔