بیجنگ۔12جون (اے پی پی):چین نے طیارہ حادثے میں ملاوی کے نائب صدر ساؤلوس چلیما اور دیگر افراد کی وفات پر تعزیت کا اظہار کیا ہے۔
شنہوا کے مطابق چینی وزارت خارجہ کے ترجمان لین جیان نے بدھ کو معمول کی پریس بریفنگ کے دوران طیارہ حادثے کے متاثرین کے لواحقین سے تعزیت کا اظہار کرتے ہوئے کہا کہ چین ملاوی کے نائب صدر ساؤلوس چلیما اور دیگر افراد کی وفات پر غمزدہ خاندانوں سے دلی ہمدردی کا اظہار کرتا ہے۔انہوں نے کہا کہ چین اور ملاوی ترقی کے لیے مخلص اور دوستانہ شراکت دار ہیں۔ ترجمان نے کہا کہ اس مشکل وقت میں چینی حکومت اور عوام ملاوی کی حکومت اور عوام کے ساتھ مضبوطی سے کھڑے ہیں اور یقین رکھتے ہیں کہ ملاوی یقیناً صدر لازارس چکویرا کی قیادت میں مشکلات اور غم سے جلد نکلے گا۔