لاہور۔12جون (اے پی پی):ریلوے انتظامیہ نے عید الاضحیٰ کے موقع پر عوام کی سہولت کے لئے اضافی رش کے پیش نظر چوتھی عید سپیشل ٹرین کراچی سے لاہور کے درمیان چلانے کا فیصلہ کیا ہے۔
ریلوے ترجمان کے مطابق یہ سپیشل ٹرین 15جون کودوپہر 1بجے کراچی کینٹ ریلوے سٹیشن سے روانہ ہوکر روہڑی،رحیم یارخان،ملتان،خانیوال،اوکاڑہ سے ہوتی ہوئی اگلے روز صبح 9 بجکر 35 منٹ پر لاہور پہنچے گی۔اس کے علاہ لالہ موسی براستہ سرگودھا،فیصل آبادکے درمیان چلنے والی ملت ایکسپریس (17Up,18Dn) اور رحمان بابا ایکسپریس (47Up,48Dn) کو دوڑ ریلوے اسٹیشن پر 2 منٹ کے لئے رکنے کی اجازت دے دی گئی۔عوام کو یہ سہولت عارضی بنیاوں پر3 ماہ کے لئے حاصل ہوگی۔اس فیصلہ پر فوری طور پر عمل درآمد ہوگا۔