انٹرنیشنل کرکٹ کونسل (آئی سی سی) مینز ٹی ٹوئنٹی ورلڈ کپ کے 25 ویں میچ میں بھارت امریکا کو شکست دے کر سپرایٹ میں پہنچ گیا جبکہ پاکستان کی بھی سپر ایٹ مرحلے میں پہنچنے کی امیدیں پھر سے زندہ ہوگئیں۔
گروپ اے کے میچ میں امریکا نے بھارت کو جیتنے کیلئے 111 رنز کا ہدف دے دیا تھا جسے بھارت نے 18.2اوورز میں تین وکٹوں کے نقصان پر پورا کر لیا۔
قبل ازیں گروپ اے کے میچ میں امریکا نے بھارت کو جیتنے کیلئے 111 رنز کا ہدف دے دیا۔ بھارت نے ٹاس جیت کر امریکا کو بیٹنگ کی دعوت دی تھی، امریکی ٹیم نے پہلے بیٹنگ کرتے ہوئے مقررہ اوورز میں8 وکٹوں کے نقصان پر 110 رنز بنائے۔
امریکا کی جانب سے نتیش کمار 27 اوراسٹیون ٹیلر 24رن بنا کر نمایاں رہےجبکہ کوری اینڈرسن 15،آرون جونز 11 اور ہرمیت سنگھ نے10رن بنائےہیں۔
بھارت کی جانب سے ارشدیپ سنگھ نے4 اورہاردیک پانڈیا نے 2وکٹیں حاصل کیں ہیں، اکشر پیٹل ایک وکٹ لینے میں کامیاب ہوئےجبکہ ایک کھلاڑی رن آوٹ ہوا۔
خیال رہے کہ جیتنے والی ٹیم سپر 8 کیلئے کوالیفائی کر جائے گی اگر امریکا بھارت کو شکست دیتا ہے اس صورت میں پاکستان کا ایونٹ میں سفر ختم ہو جائے گا۔
بھارت کے اسکواڈ میں کپتان روہت شرما ، ویرات کوہلی، رشبھ پنت ، سوریہ کمار یادو، شیوم دوبے، ہاردک پانڈیا، رویندر جڈیجہ، اکشر پٹیل، ارشدیپ سنگھ، جسپریت بمراہ اور محمد سراج شامل ہیں٫
امریکا کے اسکواڈ میں کپتان آرون جونز ، سٹیون ٹیلر ، شایان جہانگیر ، اینڈریز گوس ،نتیش کمار ، کوری اینڈرسن ، ہرمیت سنگھ ، شیڈلی وین شالک وِک ، جسدیپ سنگھ ، سوربھ نیتراولکر اور علی خان شامل ہیں ۔