انٹرنیشنل کرکٹ کونسل (آئی سی سی) ٹی 20 ورلڈ کپ 2024 میں ویسٹ اںڈیز نیوزی لینڈ کو شکست دے کر سُپر ایٹ مرحلے کے لیے کوالیفائی کرگیا۔
ٹی ٹوئنٹی ورلڈکپ کے نویں ایڈیشن میں آج گروپ سی میں میزبان ویسٹ انڈیز اور نیوزی لینڈ ٹیمیں مدِ مقابل آئیں۔ ویسٹ انڈیز نے رنز سے کیویز کو شکست دے کر سُر 8 مرحلے میں جگہ بنالی۔
آئی سی سی کے زیر اہتمام امریکہ اور ویسٹ انڈیز کی میزبانی میں ہونے والے ٹی 20 ورلڈ کپ کے 26 ویں میچ میں نیوزی لینڈ نے ٹاس جیت کر میزبان ویسٹ انڈیز کو بیٹنگ کرنے کی دعوت دے دی۔
ویسٹ انڈیز نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 149 رنز بنائے اور نیوزی لینڈ کو جیت کے لیے 150 رنز کا ہدف دیا۔
یہ بھی پڑھیں: بھارت کے ہاتھوں امریکا کو شکست، پاکستان کی سپر ایٹ میں پہنچنے کی امیدیں برقرار
ویسٹ انڈیزکے شرفین ردرفورڈ نے بہترین کھیل کا مظاہرہ کرتے ہوئے 33 بالوں پر 50 رنز بنائے جبکہ 6 چھکوں کی مدد سے 39 بالوں پر 68 رن بنا کر نمایاں رہے۔
شرفین ررفورڈ کے علاوہ کوئی بھی کھلاڑی بہتر کھیل پیش نہ کر سکا۔
نیوزی لینڈ کے ٹرینٹ بولٹ نے 3، ٹم ساؤتھی اور فرگوسن نے 2، 2وکٹیں حاصل کیں۔ جیمز نیشم اور مچل سینٹنر نے ایک ایک کھلاڑی کو آؤٹ کیا۔
جواب میں نیوزی لینڈ کی ٹیم ہدف کے تعاقب میں صرف 118 رنز بناکر آل آؤٹ ہوگئی۔ اس طرح نیوزی لینڈ بھی انگلینڈ اور پاکستان کی طرح اب اگر مگر کی صورتحال سے دوچار ہے۔