ٹی 20 ورلڈ کپ کے سپر ایٹ مرحلے کے اہم میچ میں بھارت نے آسٹریلیا کو جیت کے لیے 206 رنز کا ہدف دے دیا۔
سینٹ لوشیا میں کھیلے جارہے میچ میں بھارت نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 205 رنز بنائے اور آسٹریلیا کو جیت کے لیے 206 رنز کا ہدف دیا۔
کپتان روہت شرما نے 41 گیندوں پر 92 رنز کی برق رفتار اننگز کھیلی، ان کی اننگ میں 8 چھکے اور 7 چوکے شامل تھے۔ انہوں نے مچل اسٹارک کے ایک اوور میں 29 رنز بنائے، سوریا کمار یادیو 31 رنز کے ساتھ نمایاں رہے۔
ویرات کوہلی بغیر کوئی رن بنائے پویلین لوٹ گئے، رشبھ پنت 15 رنز بناسکے، شیوم دوبے 28 رنز بنا کر آؤٹ ہوئے، ہاردک پانڈیا 27 رنز کے ساتھ ناٹ آؤٹ رہے۔
آسٹریلیا کی جانب سے مچل اسٹارک نے چار اوورز میں 45 رنز دے کر دو وکٹیں حاصل کیں، مارکس اسٹونس دو اور جوش ہیزل ووڈ ایک وکٹ حاصل کرسکے۔
اس سے قبل آسٹریلوی کپتان مچل مارش ٹاس جیت کر روہت شرما الیون کو پہلے بیٹنگ کی دعوت دی تھی۔
آسٹریلوی ٹیم کی قیادت مچل مارش کررہے ہیں، دیگر کھلاڑیوں میں ڈیوڈ وارنر، ٹریوس ہیڈ، گلین میکسویل، مارکس اسٹونس، ٹم ڈیوڈ، میتیو ویڈ، پیٹ کمنز، مچل اسٹارک، ایڈم زمپا اور جوش ہیزل ووڈ شامل ہیں۔
بھارتی ٹیم میچ جیت کر سیمی فائنل میں جگہ پکی کرلے گی۔
واضح رہے بھارت اس ٹورنامنٹ میں ناقابلِ شکست رہا ہے جبکہ افغانستان سے شکست کے بعد آسٹریلیا کو سیمی فائنل تک رسائی کے لیے یہ میچ جیتنا لازم ہے۔
اس سے قبل کھیلے گئے میچ میں جنوبی افریقہ نے ویسٹ انڈیز کو شکست دے کر سیمی فائنل کے لیے کوالیفائی کرلیا ہے۔
اسٹریلیاں کی 5 وکٹ کے نقصان پر15 اوور میں 152رنز کی تباہ کن بیٹنگ جاری
مارش 28 بال میں 37 رنز کی بہترین اننگز کے بعد آوٹ
میکس ویل 20 رنز بنا کر آوٹ
مارکس 2 رنز بنا کر آوٹ
ہیڈ 76 رنز پر آوٹ