بی بی سی اردو کی جانب سے ٹک ٹاک پر اردو زبان میں متنوع اور دلچسپ نیوز بلیٹنز پر مشتمل اس منفرد پیشکش کا مقصد اپنے ناظرین خصوصاً نوجوان ناظرین کو عالمی اور علاقائی سطح پر ہونے والی ایسی پیش رفت سے باخبر رکھنا ہے جو ان کے اہم ہو۔
بی بی سی اردو نے ٹک ٹاک پر اپنے چینل پر نیوز بلیٹنز کا سلسلہ شروع کیا ہے جو روزانہ نشر کیے جائیں گے۔
بی بی سی اردو کی جانب سے ٹک ٹاک پر اردو زبان میں متنوع اور دلچسپ نیوز بلیٹنز پر مشتمل اس منفرد پیشکش کا مقصد اپنے ناظرین خصوصاً نوجوان ناظرین کو عالمی اور علاقائی سطح پر ہونے والی ایسی پیش رفت سے باخبر رکھنا ہے جو ان کے اہم ہو۔
بی بی سی اردو کے نیوز ایڈیٹر آصف فاروقی کا کہنا ہے کہ ’ٹک ٹاک پر اپنے نیوز بلیٹنز کی مدد سے ہم اس بات کو یقینی بنانا چاہتے ہیں کہ اس پلیٹ فارم کو استعمال کرنے والے ہمارے ناظرین کو غیرجانبدارانہ اور متوازن خبروں تک رسائی ہو چاہے وہ پاکستان میں ہونے والے واقعات پر اپ ڈیٹس ہوں یا پھر ہمارے خطے یا دنیا بھر میں کہیں بھی پیش آنے والے واقعات کے بارے میں معلومات ہوں یا پھر ایسی کہانیاں جن میں نوجوان دلچسپی رکھتے ہیں۔
بی بی سی اردو کا عزم ہے کہ وہ اردو زبان کے اس سوشل میڈیا منظر نامے پر اپنی موجودگی کو بڑھائے جہاں لاکھوں سبسکرائبرز انسٹا گرام، فیس بک، ایکس اور یو ٹیوب پر موجود ہیں۔
بی بی سی اردو کی ویب سائٹ دنیا میں اردو زبان کی سب سے بڑی ویب سائٹس میں سے ایک ہے جو اپنے قارئین اور ناظرین کو موثر اور بہترین مواد فراہم کرتی ہے۔
بی بی سی اردو نیوز، بی بی سی کی عالمی سروس کا حصہ ہے۔
