بھارتی کرکٹ ٹیم کے بلے باز ویرات کوہلی نے بھارت فاسٹ باؤلر جسپریت بمراہ کو دنیا کا آٹھواں عجوبہ قرار دے دیا۔
ممبئی کے وانکھیڈے کرکٹ اسٹیڈیم میں وکٹری پریڈ کے بعد گفتگو کرتے ہوئے انہوں نے کہا کہ’ میں ایک ایسے کھلاڑی کا شکریہ ادا کرنا چاہتا ہوں جو ہمیں بار بار ٹورنامنٹ میں واپس لایا۔’
ویرات کوہلی کا کہنا تھا کہ ‘ہم خوش قسمت ہیں کہ بمراہ ہماری طرف سے کھیلتا ہے۔’
اس موقع پر میزبان نے کوہلی سے مخاطب ہوکر کہا کہ میں ایک پیٹیشن سائن کرنے کا سوچ رہا ہوں جس میں بمراہ کو ‘نیشنل ٹریثر’ قرار دیا جائے۔ جس پر کوہلی نے کہا کہ ‘میں ابھی اسی وقت پیٹیشن پر دستخط کرنے کے لیے تیار ہوں۔’
بھارتی کرکٹ ٹیم کی وکٹری پریڈ، پورا ممبئی اُمڈ آیا، ناقابلِ یقین مناظر
گزشتہ روز بھارتی کرکٹ ٹیم کی جانب سے میرین ڈرائیو سے وانکھیڈے کرکٹ اسٹیڈیم تک بس پر وکٹری پریڈ کی گئی تھی۔ اس دوران ہزاروں شائقین کرکٹ بھارتی کھلاڑیوں کی ایک جھلک دیکھنے میرین ڈرائیو پر پہنچ گئے تھے۔
خیال رہے کہ آئی سی سی ٹی ٹوئنٹی ورلڈکپ میں جسپریت بمراہ کو پلیئر آف دی ٹورنامنٹ ایوارڈ سے نوازا گیا تھا۔ بمراہ نے 8.27 کی ایوریج سے باؤلنگ کرتے ہوئے 15 وکٹیں اپنے نام کی تھیں۔