کراچی والوں کے لئے خوشخبری. وزیر اطلاعات شرجیل میمن کے مطابق شہر قائد میں پیپلز بس سروس کے 3 نئے روٹس شروع کرنے کا اعلان کردیا گیا۔
محکمہ ٹرانسپورٹ نے تفصیلات سے آگاہ کرتے ہوئے بتایا کہ 22 جولائی کو ہاکس بے سے ٹاور تک روٹ نمبر 13، 23 جولائی سے روٹ 12 کھوکھراپارکے بجائے براستہ قائد آباد، کورنگی میمن گوٹھ تا ٹاور چلےگا۔
جبکہ 24 جولائی سے بحریہ ٹاؤن تا نمائش الیکٹرک بس کا نیا روٹ ای وی 4 اور 25 جولائی کو یوسف گوٹھ سے ٹاور تک روٹ 8 شروع ہوگا۔
شرجیل میمن نے نئے روٹس کے متعلق بتایا کہ ان روٹس کا مقصد کراچی میں پبلک ٹرانسپورٹ بڑھانے کی کوشش ہے. شہریوں کو سستی، آسان اور آرام دہ سفری سہولیات دینا چاہتے ہیں اور اس مقصد کے لیے مزید نئی بسیں لائی جائیں گی.