چیئرمین پی سی بی محسن نقوی نے کرکٹ کے معاملات سابق کپتان وقار یونس کو سونپنے کا فیصلہ کر لیا۔
ذرائع کا کہنا ہے کہ چیئرمین محسن نقوی انتظامی امور دیکھا کریں گے اور کرکٹ کے حوالے سے تمام فیصلوں کا ذمے دار ایک کرکٹر ہو گا۔
شعبہ انٹرنیشنل، ڈومیسٹک، سلیکشن کمیٹی کے امور، کھلاڑیوں کے این او سی سمیت تمام فیصلے کرکٹر کرے گا جبکہ چیئرمین پی سی بی محسن نقوی ساری توجہ ایڈمنسٹریشن پر دیں گے۔
آئندہ دو سال کیلئے ایشین کرکٹ کونسل کی صدارت پاکستان سنبھالے گا
چیمپیئنز ٹرافی کے انتظامی امور پر چیئرمین محسن نقوی کا اولین فوکس ہے،وقار یونس کو پی سی بی میں اعلیٰ عہدہ دینے کا فیصلہ کیا گیا ہے، سابق کپتان مینز کرکٹ کے معاملات دیکھیں گے۔
چیئرمین پی سی بی محسن نقوی کرکٹ کے امور وقار یونس کو سونپ دیں گے، پی سی بی آئین 2014 کے مطابق چیئرمین اپنی پاور کسی کو سونپنے کا اختیار رکھتے ہیں۔
سابق کپتان قومی ٹیم سے متعلقہ تمام امور کے نگران ہوں گے، وہ نیشنل سلیکشن کمیٹی وائٹ بال اور ریڈ بال کوچز کو دیکھیں گے، ذرائع کے مطابق محسن نقوی کرکٹ کے اہم امور میں تجربہ کار کرکٹرز کو شامل کرنا چاہتے ہیں۔