پاکستان کرکٹ ٹیم کے سابق کپتان سرفراز احمد نے بلے باز سعود شکیل کو ٹیسٹ ٹیم کا نائب کپتان بنائے کے فیصلے کی حمایت کردی۔
اسلام آباد میں پریکٹس کے سیشن کے دوران میڈیا سے گفتگو کرتے ہوئے انہوں نے سعود شکیل کو بنگلہ دیش سیریز میں نائب کپتان بنانے پر ردِ عمل دیا۔ انہوں نے کہا کہ پاکستانی ٹیم کا نائب کپتان منتخب ہونے مبارکباد دیتا ہوں، یہ اعزاز کی بات ہے۔
سرفراز احمد کا کہنا تھا کہ سعود شکیل بہت ٹیلنٹڈ لڑکا ہے، اس کی قیادت میں سندھ کی ٹیم نے ٹی20 چیمپئین شپ جیتی جبکہ انڈر 19 ٹیم کی قیادت کے فرائض بھی سرانجام دے چکا ہے۔
بنگلہ دیش کیخلاف ٹیسٹ اسکواڈ کا اعلان، شان کپتان، سعود شکیل نائب کپتان مقرر
وکٹ کیپر بلے باز نے مزید کاہ کہ پاکستان کرکٹ بورڈ (پی سی بی) کی جانب سے سعود شکیل کو کپتان بنانے کے فیصلے کی حمایت کروں گا۔ ایسے لڑکے پر توجہ دے رہے ہیں جو نچلے لیول سے کپتانی کرتا آرہا ہے۔
خیال رہے کہ گزشتہ روز شان مسعود کی قیادت میں بنگلادیش کے خلاف ٹیسٹ سیریز کے لیے 17 رکنی اسکواڈ کا اعلان کیا گیا تھا۔ جس میں نائب کپتانی شاہین آفریدی سے لے کر سعود شکیل کو دیدی گئی ہے۔