پیرس اولمپکس میں سونے کا تمغہ جیتنے پر زیر تعمیر نئے اسپورٹس اسٹیڈیم کو ارشد ندیم کے نام سے منسوب کرنے کا اعلان، سونے کا تاج بھی پہنایا جائے گا۔
یہ اعلان میئر سکھر بیرسٹر ارسلان اسلام شیخ نے کیا، ان کا کہنا تھا کہ سکھر کے عوام کی پرزور خواہش پر سونے کا تمغہ جیتنے پر پاکستانی جیولین تھرور ارشد ندیم کو سونے کا تاج پیش کریں گے۔
افواج پاکستان کی جانب سے گولڈ میڈل جیتنے پر ارشد ندیم کو مبارکباد
ان کا کہنا تھا کہ قومی اتھلیٹ کی جانب سے اولمپکس میں پاکستان کیلئے تمغہ جیتنے پر سکھر میں زیر تعمیر نیو اسپورٹس اسٹیڈیم کوارشد ندیم کے نام سے منسوب کرنے کا فیصلہ کیا ہے۔
یاد رہے کہ نہ صرف پورے ملک بلکہ پوری دنیا میں پاکستانی ار شد ندیم کی فتح کو تاریخی کامیابی قرار دے رہے ہیں، سندھ حکومت کے ترجمان مرتضیٰ وہاب نے بھی قومی اتھلیٹ کے لئے 5 کروڑ روپے انعامی رقم کا اعلان کیا ہے۔