بشری بی بی بیرک میں کس چیز سے پریشان ہیں؟

اڈیالہ جیل میں قید عمران خان کی اہلیہ بشری بی بی بیرک میں چوہوں سے پریشان ہوگئیں۔

اڈیالہ جیل راولپنڈی میں 190 ملین پاؤنڈ ریفرنس کی سماعت ہوئی۔ وکلاء صفائی کی عدم حاضری پر تفتیشی گواہ پر 10ویں مرتبہ بھی جرح نہ ہوسکی۔ عدالت نے گواہ پر جرح کے لئے وکلاء صفائی کو مزید ایک موقع دیتے ہوئے سماعت ملتوی کردی۔

سماعت کے دوراں بشری بی بی نے عدالت کو بتایا کہ میری بیرک میں چوہے ہیں، مین نماز پڑھتی ہوں چوہے چھت سے گرتے ہیں، تین ماہ سے چوہوں کا مسئلہ چل رہا ہے۔

بشری بی بی کے بیان پر جج نے ڈپٹی سپریٹنڈنٹ کو طلب کرلیا اور حکم دیا کہ ڈپٹی سپریٹنڈنٹ صاحب یہ مسئلہ حل کریں۔

ڈپٹی سپریٹنڈنٹ طاہر صدیق شاہ نے عدالت میں بیان دیا کہ ہمیں آج ہی اس مسئلے کا پتہ چلا ہے،انشاءاللہ حل کرلیتے ہیں۔