ایپل نے مصنوعی ذہانت سے لیس آئی فون 16 سیریز کے ساتھ اپنی نئی پراڈکٹس لانچ کر دی ہیں، جن میں ایپل واچ 10 اور واچ الٹرا 2 جیسے دلچسپ آلات بھی شامل ہیں۔ ایپل پارک میں ہونے والے ایونٹ کے بعد سے سوشل میڈیا پر ان مصنوعات کے حوالے سے خوب چرچے ہو رہے ہیں۔ آئی فون 16، 16 پرو، اور نئی جنریشن کے ایئر پوڈز بھی اس فہرست کا حصہ ہیں۔
رپورٹس کے مطابق، ایپل نے نئی آئی فون سیریز کی قیمتوں کا بھی اعلان کیا ہے۔ آئی فون 16 پلس کی قیمت $899 جبکہ آئی فون 16 پرو $999 میں دستیاب ہوگا۔ لانچ کے بعد سوشل میڈیا پر میمز اور تبصروں کا ایک سیلاب دیکھنے کو ملا، جس میں صارفین ایپل کی نئی پراڈکٹس کو تنقیدی و طنزیہ انداز میں دیکھ رہے ہیں۔
سام سنگ کا ایپل پر طنز
ایپل کی پرانی حریف، سام سنگ نے بھی ایپل کے لانچ ایونٹ پر طنزیہ تبصرہ کرتے ہوئے ’ایکس‘ پر ایک پرانی پوسٹ دوبارہ شیئر کی۔ اس پوسٹ میں لکھا گیا تھا: 'جب آپ کے فون فولڈ ہونے کے قابل ہو جائیں تو ہمیں بتائیں!' سام سنگ نے مزید کہا، 'ہم اب بھی انتظار کر رہے ہیں!'
اس طنزیہ پوسٹ کا مقصد واضح تھا کہ سام سنگ نے ایپل کو فولڈ ایبل فونز کی دوڑ میں پیچھے رہنے پر طنز کا نشانہ بنایا۔
سوشل میڈیا صارفین کی دلچسپ تبصرے
سام سنگ کی اس پوسٹ پر سوشل میڈیا صارفین نے بھی مزاحیہ تبصرے کیے، جیسے ایک صارف نے لکھا: 'آئی فون بھی فولڈ ہو سکتا ہے، مگر صرف ایک بار!'