یاسر حسین نے انکشاف کیا کہ انہوں نے حال ہی میں مرحوم عامر لیاقت کو اپنے خواب میں دیکھا ہے۔ اشنا شاہ کے ایک شو میں شرکت کے دوران، جب ان سے پوچھا گیا کہ وہ کوئی حالیہ خواب بتائیں جو انہیں یاد ہو، یاسر حسین نے کہا:
"میں نے کل رات عامر لیاقت کو خواب میں دیکھا ہے۔ وہ امریکا میں ایک خوبصورت گھر میں اپنی بیوی اور بچوں کے ساتھ رہائش پذیر تھے۔ یہ گھر بہت دلکش تھا، مگر مجھے معلوم نہیں کہ وہ امریکا کے کس شہر میں تھے۔ خواب میں انہوں نے قمیض شلوار پہنی ہوئی تھی۔"
یہ بات قابل ذکر ہے کہ عامر لیاقت حسین کا جون 2022 میں 49 سال کی عمر میں انتقال ہوگیا تھا۔ انہوں نے تین شادیاں کی تھیں، جن میں ڈاکٹر سیدہ بشریٰ اقبال، سیدہ طوبیٰ انور، اور دانیہ ملک شامل ہیں۔ ان کے دو بچے، دعا عامر اور احمد عامر، سوگواران میں شامل ہیں۔