حال ہی میں ڈرامہ سیریل 'کبھی میں کبھی تم' میں نتاشہ کے کردار سے مشہور ہونے والی اریج چوہدری کا تعلق پاکستان شوبز اندسٹری کے نامور اداکار سے نکل آیا۔
اریج نے ایک پوڈکاسٹ میں شرکت کی جہاں انہوں نے اپنی لائف، کرئیر اور شوبز میں تعلقات کے حوالے سے بات کی۔
اریج چوہدری نے انکشاف کیا کہ، وہ حمزہ علی عباسی کی رشتہ دار ہیں۔ ان کے والدہ اور اریج کے والد آپس میں رشتہ دار ہیں اور دونوں فیملیز کے آپس میں اچھے تعلقات بھی ہیں۔
انہوں نے مزید کہا کہ، میں کئی مرتبہ حمزہ علی عباسی سے مل چکی ہوں، وہ ایک مہربان اور عاجز شخص ہیں ان سے مل کر ہمیشہ اچھا لگتا ہے۔
شوبز میں رسائی کے حوالے سے ان کا کہنا تھا کہ، چاہے ہم رشتہ دار ہی کیوں نہ ہوں لیکن میں نے کبھی اپنے کرئیر کے لیئے حمزہ سے مدد نہیں مانگی، میں اپنے بل پر کامیابی حاصل کرنا چاہتی ہوں مجھے مدد لینا پسند نہیں۔
واضح رہے اریج چوہدری پاکستان کی جانب سے مقابلہ حسن میں بھی حصہ لے چکی ہیں۔