اداکارہ جویریہ عباسی کے نکاح کی تازہ ترین تصاویر منظر عام پر آ گئی ہیں، جن میں تقریب میں شریک ہونے والی مشہور شخصیات جیسے اُشنا شاہ اور انوشے عباسی کو بھی دیکھا جا سکتا ہے۔
ان نئی تصاویر میں جویریہ عباسی کی فیملی کے افراد کے ساتھ ان کی بیٹی عنزیلہ عباسی بھی نمایاں ہیں، جو ماڈلنگ اور اداکاری کے میدان میں اپنا نام بنا رہی ہیں۔
جویریہ عباسی کے نکاح کی 5 ماہ بعد منظرعام پر آنے والی یہ تصاویر خاصی توجہ کا مرکز بن چکی ہیں۔
پہلی پوسٹ میں جویریہ عباسی نے صرف اپنی تصویریں مداحوں کے ساتھ شیئر کی تھیں، لیکن نئی پوسٹ میں ان کے اور ان کے شوہر کے ہاتھ میں پہنی ہوئی خوبصورت انگوٹھیاں بھی دکھائی دے رہی ہیں۔
جویریہ عباسی نے کیپشن میں دل کو چھو لینے والی بات کہی: "اور یوں ایک نئی کہانی کا آغاز میرے چاہنے والوں کے ساتھ ہوتا ہے۔"
یاد رہے کہ جویریہ کی پہلی شادی 1997ء میں اداکار شمعون عباسی کے ساتھ ہوئی تھی، جس سے ان کی ایک بیٹی عنزیلہ عباسی ہے۔ عنزیلہ کی شادی گزشتہ سال ہوئی تھی۔
جویریہ عباسی کی شمعون عباسی کے ساتھ 12 سالہ ازدواجی زندگی کا اختتام 2009ء میں طلاق پر ہوا تھا۔
رواں سال جویریہ نے 5 مئی کو منگنی کی خبر دی تھی، جس کی تصویر پیرس کے ایفل ٹاور سے شیئر کی تھی، اور اب وہ اپنی نئی شادی کی باقاعدہ تصدیق کر چکی ہیں۔