چاند کے دیوانوں کو ایک نیا اور چاند مبارک ہو!
اس موسم خزاں میں، زمین ایک نادر اور دلچسپ آسمانی واقعہ کا تجربہ کرنے والی ہے: ایک عارضی دوسرے چاند کی آمد۔ ایک چھوٹا سیارچہ، جسے 2024 پی ٹی 5 نامزد کیا گیا ہے، زمین کے مدار میں داخل ہونے کی توقع ہے، جو دنیا بھر میں آسمان کے شوقین افراد کے لیے ایک منفرد تماشا فراہم کرے گا۔
دراصل دنیا کے گرد ایک نئے چاند کی دریافت ہوئی ہے، جو عن قریب دنیا کے گرد نمودار ہونے والا ہے۔ یعنی اب ہم کہہ سکیں گے کہ ’’دنیا کو نیا چاند دو ماہ کے لیے مبارک ہو۔‘‘
ماہرین فلکیات کے مطابق، نیا چاند آئندہ ہفتے سے دنیا کے مدار میں چکر لگانا شروع کر دے گا۔
ماہرین کے مطابق، اس چاند کی روشنی اصل چاند جیسی نہیں ہوگی، بلکہ یہ ایک چھوٹا سا سیارچہ ہے جسے ناسا کے سائنس دانوں نے رواں برس اگست میں ایک تحقیق کے دوران دریافت کیا تھا۔
مگر اس کے ساتھ ایک بری خبر یہ بھی ہے کہ اس چاند کو انسانی آنکھوں سے نہیں دیکھا جاسکتا بلکہ صرف ٹیلی اسکوپ کے ذریعے اس کا دیدار ہو سکے گا۔