شازل شوکت ایک ایسی اداکارہ ہیں جنہوں نے کچھ عرصہ قبل ڈرامہ انڈسٹری میں قدم رکھا تھا اور وہ اتنے کم وقت میں بہت کچھ حاصل کرنے میں کامیاب رہی ہیں۔ ان کے مداح انہیں ڈرامہ سیریل ’وہ ضدی سی ’میں بے حد پسند کر رہے ہیں۔ وہ ایک صاف گوآرٹسٹ ہے جو اپنے خیالات اور آراء کے بارے میں پراعتماد ہے۔
اداکاراؤں کو عام طور پر جب وہ انسٹاگرام پر تصاویر پوسٹ کرتی ہیں اپنے لباس کے انتخاب کے لئے بہت تنقید کا سامنا کرنا پڑتا ہے۔ شازل بھی ایسی ہی آرٹسٹوں میں شمار ہوتی ہیں ، جنہیں اپنے لباس کی وجہ سے تنقید کا نشانہ بنایا جاتا ہے۔ شازل نے 1 سال سے اپنے انسٹاگرام پر تبصرے بند کر رکھے ہیں۔
شازل نے ایک پوڈ کاسٹ میں شرکت کی ، جہاں انہوں نے ایسا کرنے کے لئے اپنے خیالات کا اشتراک کیا۔
انہوں نے کہا کہ انہیں کسی کی رائے کی ضرورت نہیں ہے۔ نہ تو فلرٹ یا منفی تبصرے اور نہ ہی اچھے تبصرے۔ وہ ان فلرٹ کمنٹس کو اہمیت نہیں دیتی ہیں جو جعلی پروفائل اور دوتین فالوورز کے ساتھ کسی بھی قسم کے کمنٹس دینا شروع کر دیتے ہیں۔ وہ جو کچھ بھی کر رہی ہیں وہ اپنے بل بوتے پر کر رہی ہیں اور انہیں کسی اور سے توثیق کی ضرورت نہیں ہے۔ لہذا انہوں نے ان تبصروں کو بند کر دیا ہے۔