"انسپکٹر ماجد بشیر ہر روز میری بہن پر تشدد کرتا ہے۔ آج اُس نے میری بہن پر اس قدر تشدد کیا کہ اس کی حالت بگڑ گئی۔"
یہ کہنا ہے خرم بھٹی کا جو پاکستانی تھیٹر کی نامور اداکارہ نرگس کے بھائی ہیں۔ لاہور کے علاقے ڈیفنس سی میں پیش آنے والے اس واقعے میں اداکارہ نرگس کو ان کے شوہر انسپکٹر ماجد بشیر نے پیسوں کے تنازع پر مبینہ تشدد کا نشانہ بنایا، جس کی اطلاع پولیس کو نرگس کے بھائی خرم بھٹی نے دی۔ خرم نے ون فائیو پر کال کر کے بتایا کہ تشدد کے مسلسل واقعات کے باعث نرگس کی صحت پر بُرے اثرات مرتب ہو رہے ہیں۔
پولیس کے مطابق جھگڑے کے بعد نرگس تھانے تو آئیں، لیکن ابھی تک کوئی درخواست درج نہیں کرائی گئی ہے۔ پولیس کا کہنا ہے کہ اگر درخواست دی گئی تو قانون کے مطابق کارروائی کی جائے گی۔
یاد رہے کہ نرگس نے چند برس قبل انسپکٹر ماجد بشیر سے شادی کے بعد شوبز کو خیرباد کہہ دیا تھا اور اب وہ بیوٹی سیلون چلا رہی ہیں۔ پاکستان کی مشہور رقاصہ اور اسٹیج کی ملکہ سمجھی جانے والی نرگس نے 100 سے زائد فلموں میں کام کیا، اور اپنے متنازعہ رقص کی وجہ سے شہرت کی بلندیوں تک پہنچیں۔
2024 میں شوبز انڈسٹری کے تنازعات میں ایک اور بڑا اضافہ، مداحوں میں غم و غصے کی لہر دوڑا گیا۔