پاکستانی ڈرامہ سیریل 'کبھی میں کبھی تم' سے مشہور ہونے والی نعیمہ بٹ اپنے منفرد اور بولڈ کردار سے جتنا مشہور ہوئی ہیں اتنا ہی اپنے بالوں کی وجہ سے شائقین کی توجہ حاصل کی ہے۔ اور ان کے لمبے گھنے بال آج ک خوب چرچا میں ہیں۔
جب سے وہ کبھی میں کبھی تم پر نظر آئیں تب سے مداح چاہتے ہیں کہ وہ اپنے بالوں کے بارے میں بات کریں۔ نعیمہ بٹ نے حال ہی میں انکشاف کیا کہ جب انہوں نے انڈسٹری میں ڈارموں کی تلاش شروع کی تھی تو بہت سے لوگوں نے انہیں اپنے بال کٹوانے کا مشورہ دیا تھا، لیکن وہ اپنی شرائط پر کام کرنا پسند کرتی ہیں اور انہوں نے اپنے لمبے بالوں کو برقرار رکھا۔
نعیمہ بٹ نے پچھلے دنوں تابش ہاشمی کے شو ہنسنا منع ہے میں بطور مہمان شرکت کی، جہاں میزبان کی جانب سے ان کے لمبے بالوں کے راز کے بارے میں پوچھا گیا۔
جس پر انہوں نے کہا کہ، یہ بنیادی طور پر اللہ کی طرف سے ہے۔ اور یہ کہ ان کے صحت مند بالوں کے لیے اس کے جینز ذمہ دار ہیں۔ اسکے علاوہ جب وہ بالوں پر کوئی کیمیکل پروڈکٹ یا پھر آئرن کا استعمال کرتی ہیں تو ساتھ ہی اپنے بالوں کی اچھی غذائیت اور ان کی دیکھ بھال کا بھی خوب خیال رکھتی ہیں۔
نعیمہ نے خواتین کو مشورہ دیا کہ وہ اپنے بالوں کا خیال رکھیں، اچھی غذا، وٹامنز اور دھوپ لیں۔ اور کوشش کریں کہ بہت زیادہ کیملیکل کا استعمال نہ کریں۔