سینیئر اداکار عدنان صدیقی نے شاہ چارلس سوم سے ملاقات کو ناقابلِ فراموش قرار دے دیا۔
عدنان صدیقی کو بکنگھم پیلس میں ہونے والی ایک تقریب میں شاہ چارلس سے ملاقات کا موقع ملا۔
انہوں نے اس مختصر مگر ناقابلِ فراموش ملاقات کا احوال سوشل میڈیا پر اپنے مداحوں کے ساتھ شیئر کیا۔
انسٹاگرام پر عدنان صدیقی نے کچھ تصاویر شیئر کی ہیں، جن میں انہیں اور شاہ چارلس سوم کو خوش گوار انداز میں ایک دوسرے سے گفتگو کرتے ہوئے دیکھا جا سکتا ہے۔
پوسٹ شیئر کرتے ہوئے انہوں نے لکھا کہ، ہماری گفتگو مختصر لیکن اچھی تھی، پلک جھپکتے ہی مختلف دنیاؤں کی ملاقات کی طرح۔ شاہ چارلس میں لوگوں کو پُرسکون رکھنے کی صلاحیت ہے، جس نے ایک دیرپا تڑپ چھوڑ دی ہے۔
عدنان صدیقی نے مزید لکھا کہ، ایسا ہر روز نہیں ہوتا ہے کہ آپ کسی شخص سے ملاقات کریں اور اس مختصر ملاقات کے بعد بھی اس کا خیال آپ کے ذہن میں ایسے ہی تازہ رہے جیسے وہ ابھی کی بات ہو۔
ساتھ ہی انہوں نے شاہ چارلس کی جانب سے موصول ہونے والے دعوت نامے کی تصویر بھی پوسٹ کی ہے۔