"میری شاندار ماں، ہماری زندگی کا فخر اور خوشی، اس دنیا کو بہتر کے لیے چھوڑ گئیں۔ دل کی گہرائیوں سے پیار کرنے والی، اور ان تمام لوگوں کے لیے ناقابلِ فراموش جو ان سے ملے یا جن کی زندگیوں کو انہوں نے چھوا۔ ناقابلِ شکست طاقت اور ہمدردی کا ایک پیکر تھیں۔ آپ ہمیشہ ملکہ رہیں گی۔"
پاکستانی شوبز انڈسٹری کی نامور اداکارہ سویرا ندیم نے انسٹاگرام پر ایک دل چھو لینے والا پیغام شیئر کیا، جس میں انہوں نے اپنی والدہ کے انتقال کی اطلاع دی۔ ان کا کہنا تھا کہ ان کی والدہ نہ صرف ان کی زندگی بلکہ ہر اس شخص کی روشنی تھیں جنہیں ان سے ملنے کا موقع ملا۔
سویرا نے اپنی ماں کو "ہمدردی کی بے پناہ طاقت" قرار دیا۔ انہوں نے لکھا کہ ان کی والدہ نے ہر مشکل وقت کا بہادری سے سامنا کیا اور اپنی مضبوطی سے سب کو متاثر کیا۔
"وہ نہ صرف ہماری فیملی بلکہ ہر دل کی دھڑکن تھیں، جنہیں جاننے والے کبھی نہیں بھول سکتے۔"
اداکارہ نے اپنے جذبات کا اظہار کرتے ہوئے لکھا کہ ان کی والدہ ہمیشہ کے لیے ان کی "ملکہ" رہیں گی۔ ان کے لیے یہ جدائی دل توڑ دینے والی ہے، لیکن ان کی والدہ کی یادیں اور سبق ہمیشہ ان کے دل میں زندہ رہیں گے۔
سویرا ندیم کے جذباتی الفاظ نے سوشل میڈیا پر مداحوں کے دل پگھلا دیے۔ ان کے فالوورز والدہ کے لیے مغفرت کی دعائیں کر رہے ہیں اور سویرا کو حوصلہ دینے کے لیے محبت بھرے پیغامات دے رہے ہیں۔
واضح رہے کہ سویرا ندیم کی حقیقی والدہ کا انتقال ہوا ہے جبکہ نامور تھیٹر اداکارہ اور ڈایئریکٹر مدیحہ گوہر ان کی سوتیلی والدہ تھیں جن کا انتقال 2018 میں ہوا تھا۔