پاکستان تحریک انصاف کے رہنما وسنیٹرعلی ظفر نھے کہا ہے کہ پارلیمنٹ میں بھرپور طریقے سے احتجاج کرنا ہے
سینیٹرعلی ظفر نے پروگرام فیصلہ آپ کا میں گفتگو کرتے ہوئے کہا کہ بانی پی ٹی آئی کو کچھ پتہ نہیں تھا کہ کیا ہوا ہے۔
رہنما پی ٹی آئی نے کہا کہ کل بانی پی ٹی آئی سے ملاقات ہوئی تھی،انہوں نے کہا سینیٹ اور پارلیمنٹ کی ریکوزیشن کریں ،پرامن احتجاج کرنا ہم سب کا حق ہے۔
ہم آئینی و قانون جنگ جاری رکھیں گے ، انصاف عدالتوں سے ہی مل سکتا ہے، ہمارے خلاف کیسز پر کیسز بن رہے ہیں، ہم نے پارلیمنٹ میں سیاسی جنگ کا اعلان کردیا ہے۔
مذاکرات سے بہت سارے حل آپ کو مل جاتے ہیں،مذاکرات سے بڑی مشکل صورتحال سے بھی آپ نکل سکتے ہیں، حکومت کے ساتھ بات چیت کیلئے دو چیزیں بہت اہم ہیں۔
دونوں پارٹیز کو ایک دوسرے پراعتماد کرنا ہوگا کہ جو بھی فیصلہ ہوعملدرآمد بھی ہوگا، یہ دونوں چیزیں جب تک نہیں ہوںگی تب تک بات چیت آگے نہیں بڑھے گی۔