کرسمس کی آمد قریب ہے اور دنیا بھر میں مسیحی برادری کی تیاریاں عروج پر ہیں۔ لیکن جرمنی کے شہر میونخ میں ایک ایسا منفرد کرسمس ٹری نمائش کے لیے پیش کیا گیا ہے جس نے سب کی توجہ اپنی طرف کھینچ لی ہے۔
2,000 سونے کے سکوں سے سجا کرسمس ٹری
میونخ میں بینجمن سما، جو گولڈ ٹریڈنگ کمپنی پرو اورم سے وابستہ ہیں، نے 3 میٹر بلند ایک کرسمس ٹری تیار کیا ہے، جسے 2,000 سے زیادہ خالص سونے کے سکوں سے مزین کیا گیا ہے۔ یہ درخت نہ صرف اپنی خوبصورتی بلکہ اپنی غیر معمولی قیمت کی وجہ سے بھی خبروں میں چھایا ہوا ہے۔
قیمت نے اڑا دی ہوش!
بینجمن سما کے مطابق اس نایاب کرسمس ٹری کی قیمت حیران کن طور پر 5.3 ملین یورو ہے، جو پاکستانی روپوں میں تقریباً 1 ارب 54 کروڑ بنتی ہے۔
نمائش کے لیے مخصوص مدت
یہ شاندار کرسمس ٹری میونخ کے پرو اورم گولڈ ہاؤس میں 3 دسمبر سے 5 دسمبر تک نمائش کے لیے رکھا گیا ہے۔ تاہم، یہ درخت فروخت کے لیے دستیاب نہیں، بلکہ صرف دیکھنے والوں کے لیے ایک یادگار تخلیق کے طور پر پیش کیا گیا ہے۔
سونے کے شوقین یا کرسمس کے دیوانے؟
یہ منفرد تخلیق جہاں کرسمس کی روح کو سونے کی چمک کے ساتھ پیش کر رہی ہے، وہیں اس نے دنیا بھر کے لوگوں کو حیرت میں ڈال دیا ہے۔ اگر آپ بھی جرمنی میں موجود ہیں، تو یہ موقع ہاتھ سے جانے نہ دیں اور اس شاندار کرسمس ٹری کا نظارہ ضرور کریں!