پاکستانی شوبز کی اداکارہ مہر بانو کی بولڈ ڈانس ویڈیو سوشل میڈیا پر شیئر کرنے کی وجہ سے انہیں شدید تنقید کا نشانہ بنایا جا رہا ہے.
مہر بانو ایک باصلاحیت اورمشہور پاکستانی ٹی وی اور فلم اداکارہ ہیں۔ ان کے قابل ذکر پروجیکٹس میں ”میرے ہمنشین“، ”میرے پاس تم ہو“، ”چڑیل اور ٹکسالی گیٹ“ ہیں۔ مہر بانو کی شادی ہدایت کار اور پروڈیوسرشاہ رخ کاظم علی کے ساتھ ہوئی ہے۔
مہر بانو ڈانس کی دلدادہ ہیں۔ وہ اکثر اپنے آفیشل انسٹاگرام اکاؤنٹ پر اپنے ڈانس کی ویڈیوز شیئر کرتی رہتی ہیں۔ انہوں نے حال ہی میں اپنے مداحوں کے ساتھ ایک اور ڈانس ویڈیو شیئر کی۔ اداکارہ نے سبز ٹینک ٹاپ کے ساتھ ایک آف وائٹ شارٹس پہنی ہوئی ہے۔
مداحوں کو ان کی ڈانس ویڈیو پسند نہیں آئی۔ ان کے فالوورز کے مطابق مہر بانو ہمیشہ ایک ہی طرح کے ڈانس موو کے ساتھ آتی ہیں اور وہ ہمیشہ انتہائی بولڈ لباس پہنتی ہیں جو ان کے مداحوں کے لیے انتہائی پریشان کن بن جاتی ہیں۔
بہت سے صارفین نے کہا کہ اس کا ڈانس بالکل بھی متاثر کن نہیں ہے اور وہ کسی کی توجہ حاصل نہیں کر رہی ہیں۔ بہت سے لوگوں کی رائے ہے کہ وہ ڈانس کی کافی جنونی ہے لیکن اس کے لیے اسے پہلے کچھ نئے اسٹیپس سیکھنے ہوں گی۔
کئی لوگوں نے ان کی بولڈ ڈریسنگ پر سخت تبصرے لکھے۔ کچھ لوگوں نے کہا کہ یہ انتہائی شرمناک ہے کہ وہ اپنے انسٹاگرام ریلز میں ایسے کپڑے پہنتی ہے اور اس کے والدین بھی یہ ریلز دیکھتے ہیں۔