پاکستان بھر کے صارفین انٹرنیٹ کی سست روی پر پریشان ہیں جس سے تعلیم اور آن لائن کاروبار کے شعبوں سے متعلق مختلف سرگرمیاں متاثر ہورہی ہیں۔
رپورٹس میں دعویٰ کیا گیا کہ انٹرنیٹ کے مسائل کی وجہ سے پاکستان میں فری لانسرز کو ملنے والی آن لائن اسائنمنٹس میں تقریباً 70 فیصد کمی ریکارڈ کی گئی۔
دس دسمبر کو براڈ بینڈ اور موبائل فون صارفین دونوں کے لیے انٹرنیٹ کی رفتار بھی سست ہے جبکہ پاکستانی ٹیلی کمیونی کیشن اتھارٹی (پی ٹی اے) کی جانب سے کوئی سرکاری بیان بھی سامنے نہیں آیا ہے۔
علاوہ ازیں ورلڈ پاپولیششن ریویو کی جاری کردہ رپورٹ میں کہا گیا ہے کہ انٹرنیٹ کی رفتار کی تازہ ترین درجہ بندی میں پاکستان دنیا میں 198ویں نمبر پر ہے، انٹرنیٹ کی رفتار کے حوالے سے پاکستان فلسطین، بھوٹان، گھانا، عراق، ایران، لبنان اور لیبیا سے نیچے ہے۔
پاکستان میں موبائل انٹرنیٹ ڈاؤن لوڈ کی اوسط رفتار 19.59 ایم بی پی ایس ہے جبکہ براڈ بینڈ انٹرنیٹ کی رفتار اوسطاً 15.52 ایم بی پی ایس ہے۔
تاہم موبائل فون استعمال کرنے والے انٹرنیٹ کی رفتار خود چیک کر سکتے ہیں۔
موبائل فون پر انٹرنیٹ کی رفتار چیک کرنے کے لیے گوگل پلے اسٹور اور ایپل اسٹور پر مختلف ایپس دستیاب ہیں۔ اوکلا صارفین کو اپنے موبائل کنکشن کی رفتار کو آسان، ون ٹیپ ٹیسٹنگ کے ساتھ چیک کرنے کے قابل بناتا ہے۔
یہ مفت اسپیڈ ٹیسٹ ایپس فراہم کرتا ہے جو اینڈرائیڈ اور آئی او ایس دونوں کے لیے دستیاب ہیں۔ ایپس صارفین کو ڈاؤن لوڈ اور اپ لوڈ کی رفتار کو دریافت کرنے میں مدد کرتی ہیں۔