انڈونیشیا میں لینڈ سلائیڈنگ کے باعث 19 افراد ہلاک ہوگئے۔ انڈو نیشیا کے وسطی صوبے جاوا میں لینڈ سلائیڈنگ کے واقعات میں 19 افراد کی ہلاکت کی تصدیق ہوئی ہے۔
ریسکیو حکام کا بتانا ہے کہ جاوا کے شہر پیکالونگن میں موسلا دھار بارش شہر کی ایک مرکزی سڑک پر لینڈ سلائیڈنگ کا باعث بنی جس کے نتیجے میں ہلاکتیں ہوئیں۔
رپورٹ کے مطابق ریسکیو حکام نے حادثے میں بچ جانے والے افراد کی تلاش کےلیے ریسکیو آپریشن کیا اور حکام کو سڑک ٹوٹنے کے باعث حادثہ کے مقام پر جانے کے لیے 4 کلومیٹر پیدل چلنا پڑا۔
نیشنل ڈیزاسٹر مٹیگیشن ایجنسی (بی این پی بی) کے ترجمان عبدالمہری نے بتایا کہ آج صبح 2 مزید لاشیں ملیں اور یہ وہ لوگ تھے جن کی تلاش جاری تھی جب کہ مزید افراد کی تلاش تاحال جاری ہے۔