انڈین کرکٹ ٹیم کے بولر محمد سراج اور لیجنڈری گلوکارہ آشا بھوسلے کی پوتی گلوکارہ زینائی بھوسلے کی حالیہ دنوں میں ڈیٹنگ کی افواہیں عام رہی ہیں۔این ڈی ٹی وی کے مطابق اب زینائی بھوسلے کی جانب سے کرکٹر کے ساتھ ڈیٹنگ کی خبروں پر دلچسپ ردعمل سامنے آیا ہے جس کی محمد سراج نے بھی توثیق کی ہے۔انڈیا کی لیجنڈری گلوکارہ آشا بھوسلے کی پوتی زینائی بھوسلے نے حال ہی میں ممبئی میں اپنی 23ویں سالگرہ منائی۔زینائی بھوسلے کی جانب سے بعد ازاں تقریب کی تصاویر سوشل میڈیا پلیٹ فارم انسٹاگرام پر شیئر کی گئیں۔شیئر کی گئی تصاویر میں سے ایک نے انٹرنیٹ صارفین کی توجہ حاصل کی، اس تصویر میں زینائی بھوسلے کو انڈین کرکٹر محمد سراج کے ساتھ خوش گوار اندار میں محو گفتگو دیکھا جا سکتا ہے۔اس تصویر کے سوشل میڈیا پر وائرل ہونے کے بعد صارفین کی جانب سے گلوکارہ اور کرکٹر کی ایک دوسرے کے ساتھ ڈیٹنگ کی قیاس آرائیوں کا سلسلہ شروع ہوگیا۔
View this post on Instagram A post shared by Zanai Bhosle (@zanaibhosle)
ان قیاس آرائیوں پر محمد سراج اور زینائی بھوسلے نے دلچسپ ردعمل دیتے ہوئے تردید بھی کی۔زینائی بھوسلے نے اسی تصویر کو اپنی انسٹاگرام سٹوری پر شیئر کرتے ہوئے لکھا ’میرے پیارے بھائی۔‘جس کے بعد انڈین کرکٹر محمد سراج نے بھی زینائی بھوسلے کی اس سٹوری کو اپنے انسٹاگرام اکاؤنٹ پر ری پوسٹ کرتے ہوئے پوری نظم لکھ ڈالی۔محمد سراج نے لکھا ’میری بہنا کے جیسی کوئی بہنا نہیں، بِنا اس کے مجھے کہیں بھی رہنا نہیں، جیسے ہے چاند ستاروں میں، میری بہنا ہے ایک ہزاروں میں۔‘محمد سراج اور زینائی بھوسلے کی جانب سے اپنی ڈیٹنگ کی افواہوں کی تردید کے اِس انوکھے انداز پر سوشل میڈیا صارفین کی جانب دلچسپ تبصرے کیے جا رہے ہیں۔ایک صارف کی جانب سے لکھا گیا کہ ’ڈیٹنگ کی خبروں کی تردید کا یہ اچھا طریقہ ہے۔‘